Statsforvaltaren kan sette eigne krav for særskilde område
For å ta vare på vassførekomstar som ikkje oppfyller måla i vassforskrifta, eller som står i fare for å få forverra tilstand, kan statsforvaltaren
- stille strengare krav til lagring, bruk og plassering av gjødselvarar
- stille krav om avbøtande tiltak i potet- og grønsaksproduksjonen
- stille krav til digital innrapportering av gjødseljournal og journal over gjødsel du har mottatt.
Statsforvaltaren kan òg tillate seinare spreiefrist i særskilde område, for å ta omsyn til lokale tilhøve.
Sjekk heimesida til statsforvaltaren for å vite kva som gjeld i regionen din.
